pyaar shayari image

Keh rahi hai mer
Keh rahi hai mere jazbaat ki jhankaar tujhe
Kar sake ga na koi meri tarah pyaar tujhe
Raqss karti hai tere khoon mein meri khushbu
Kya lubhaaye gi kisi phool ki mehkaar tujhe
Woh baddan aik hi mar'mar se taraashey jis ne
Main ne paaya usi fankaar ka shaahkar tujhe
Shayed ab chup na sake raaz-e-mohabbat mera
Main ne chup reh ke sadaa di hai kayi baar tujhe

Apna hissa shuma
Apna hissa shumar karta tha
Mujhse itna woh pyaar karta tha
Woh banata tha meri tasveerein
Unse batein hazaar karta tha
Mera dukh bhi khuloos-e-niyat se
Apna dukh hi shumar karta tha
Such samjhta tha jhooth bhi mera
Yun mera aitbaar karta tha
Pehle rakhta tha phool raaste mein
Phir mera intezar karta tha
Aaj pehlu mein wo nahi 'faraz'
Jo mujh pe jaan nisaar karta tha

Sarakti jaye ha
Sarakti jaye hai rukh se naqab ahista-ahista
Nikalta aa raha hai aftab ahista-ahista
Jawan hone lage jab wo to hum se kar liya parda
Haya yaklakhat aayi aur shabab ahista-ahista
Shab-e-furkat ka jagaa hun farishton ab to sone do
Kabhi fursat mein kar lena hisab ahista-ahista
Sawal-e-vasl par un ko adoo ka khauf hai itna
Dabe hontho se dete hain jawab ahista- ahista
Hamare aur tumhare pyaar mein bas farq hai itna
Idhar to jaldi jaldi hai udhar ahista- ahista
Wo bedardi se sar kaate 'ameer' aur main kahun un se
Huzoor ahista-ahista janaab ahista-ahista

Ek baa
Ek baar kar ke aitbaar likh do
Kitna hai mujh se pyaar likh do
Kat ti nahi yeh zindagi, ab tere bin
Kitna karoon aur intezar likh do
Taras rahi hun badi muddat se
Iss bar apni mohabbat ka izhaar likh do
Deewane ho jayein jise padh ke hum
Kuch aisa tum mere naam likh do
Zayada nahi likh sakte to mat likho
Mohabbat bhare lafz do chaar likh do
Ek baar likho mohabbat hai tum se
Phir yehi jumla baar baar likh do

Gul tera rang churaa laye hain gulzaron mein
Jal raha hun bhari barsaat kee baucharon mein
Mujhse katra ke nikal ja, magar ai jaan-e-haya
Dil kee lau dekh raha hun tere rukhsaron mein
.
Husn-e-begana-e-ehsaas-jamaal achhaa hai
Gunche khilate hain to bik jaate hain bazaaron mein
Jikr karte hain tera mujhse ba-unvaan-e-jafaa
Charagar phool piro laye hain talwaron mein
Zakham chhup sakte hain lekin mujhe fan hi saugandh
Gham kee daulat bhi hai shaamil mere shahkaron mein
Mujhko nafarat se nahi pyaar se masloob karo
Main to shaamil hun mohabbat ke gunahwaron mein

Dil do to kisi ek ko, jo dil se nek ho
Aggar sachha pyaar na mile, try maro har ek ko